घड्याळ

1. 7 वा 50 मिनीटांनी तास काटा व मिनिट काटा यांच्यामध्ये किती अंशाचा कोन असेल ?

2. साडे तीन वाजता घड्याळाचा तास काटा व मिनिट काटा यांच्यात किती अंशाचा कोन असेल ?

3. सकाळी 10 वाजल्यापासून ते दुसऱ्या दिवशी सकाळी 10 वाजेपर्यंत दोन्ही काट्यांत किती वेळा काटकोन होईल ?

4. 0.1 तास =6 मिनीटे तर 0.1 मिनीटे = ?

5. एका घड्याळात अंकांऐवजी ठिपके आहेत त्या घड्याळात 3 वाजून 5 मिनीटे झाले असतील तर आरशात ती प्रतिमा पाहिल्यास कोणती वेळ दिसेल  ?

6. दुपारी 3 वाजल्यापासून ते रात्री 8 वाजेपर्यंत मिनिट काटा तास काट्याला किती वेळा ओलांडेल ?

7. सायंकाळी सव्वा 6 ते रात्री सव्वा 12 पर्यंत दोन्ही काट्यांमध्ये किती वेळा काटकोन होईल ?

8. 8.43 तास हे तास मिनीटे व सेकंदात कसे लिहिले जाईल ?

9. एक घड्याळ 6 वाजून 1x मिनीटे व 7 वाजायला 4x मिनीटे कमी ही एकच वेळ दाखवते तर त्या घड्याळात किती वाजले असतील ?

10. घड्याळात दर अर्ध्या तासाला 1आणि प्रत्येक तासाला तासांच्या संख्येप्रमाणे टोल वाजतात तर दुपारी 1 ते रात्री 11 वाजेपर्यंत किती वेळा टोल वाजतील ?

11. सकाळी सव्वा सहा वाजल्यापासून ते रात्री सव्वा आठ वाजेपर्यंत तास काटा व मिनिट काटा किती वेळा एका सरळ रेषेत येतील ?

12. 4 तास 15 मिनीटे दशांश अपूर्णांकात कसे लिहाल ?

13. दर एका मिनीटाला तास काटा किती अंश पुढे सरकतो ?

14. एक घड्याळ एका तासाला 7 मिनीटे मागे पडते तर दुसरे घड्याळ एका तासाला 3 मिनीटे पुढे जाते बुधवारी सकाळी 10 वाजता दोन्ही घड्याळे बरोबर लावल्यास गुरुवारी सकाळी 10 वाजता मागे पडणाऱ्या आणि पुढे जाणाऱ्या घड्याळात अनुक्रमे किती वाजले असतील ?

15. जर एका घड्याळातील आरशातील प्रतिमा 7 वा 48 मिनीटे वेळ दाखवत असेल तर त्या घड्याळात प्रत्यक्षात किती वाजले असतील ?